Munduko Txapelketan zazpigarren izan da Alex Gonzalez scooterra
16 urterekin munduko onenen artean leku bat lortu du Alex Gonzalez scooterrak. Madrilen (Espainia) egin duten Munduko Txapelketan zazpigarren sailkatu da errenteriarra absolutuen kategorian.
16 urterekin munduko onenen artean leku bat lortu du Alex Gonzalez scooterrak. Madrilen (Espainia) egin duten Munduko Txapelketan zazpigarren sailkatu da errenteriarra absolutuen kategorian. Planetako scooter zale onenekin lehiatu da MUS Madrid Urban World Series txapelketan.
Errenteriarra Oarsoaldeko Muturreko Kirolak elkarteko kidea da, eta bere diziplinan talentu paregabea erakutsi du. Estilo librean aritzen da errenteriarra, eta Lezoko Indoor Skateparkean entrenatzen du, “bertan teknika hobetu eta maniobra ikusgarriak egiten ditu”. Bikain aritu da scooterra Munduko txapelketan, klubetik nabarmendu dutenez, “aurreikusitakoa gaindituta. Bere estiloa bakarra da, eta berezko abilezia du”.
Familia, kide eta klubaren babesa “ezinbestekoa” izan dela kirolariaren maila igoera azkarrerako nabarmendu dute klubeko arduradunek, “txapelketa honetan parte hartzearekin Errenteria nazioarteko scooter mapan kokatu du”.
Etorkizun oparoa izango duen zalantzarik ez dute bere hurbilekoek: “Dedikazioa, eta talentua dira bere erregaia”. amaitzeko lortu duen emaitzarengatik zoriondu egin dute errenteriarra klubeko arduradunek.
