Aurten ere, madalenetako programak ez du publizitaterik izango
Herriko ostalaritza eta merkataritza establezimenduak kokatuko dituen mapa erakutsiko du Bizi Errenteriaren webgunean.
Madalenetako kartel irabazlea. Aurten ere ez du publizitaterik izango madalenetako programak, iaz hartutako erabakiari jarraituta. Hala jakinarazi du udalak. Bizi Errenteria programa abiatu zuen udalak 2020 urtean: “Errenteriarren eta Errenteriako ekonomia sektoreen arteko harremanak sendotuz, bere osotasunean herriaren eta herritarron suspertze ekonomikoan eragiteko bokazioz, pertsonak erdigunean jarriz”.
Tokian kontsumitzeko deiaz harago, elkartzeko topagunea, elkarri aitortza egin eta guztiek egindako lanaz elkarrekin gozatzeko abagunea izan dadin sortu zela iniziatiba nabarmendu du udalak. Orain aurrera pausu bat emango du proiektuak, eta herriko ostalaritza eta merkataritza establezimenduak kokatuko dituen mapa erakutsiko du Bizi Errenteriaren webgunean: “Bizi Errenteria markarekin herriko komertzioak modu bateratuan bistaratzeko ahaleginean eta merkatari guztiei aukera berdinak eskaintzeko xedez, Madalenetako programan komertzioek ahots abarretik zorionduko dituzte herritarrak”.
