Altzibarko sanpedroek itzal egingo diote Tourrari
Ostegunean izango da festen hasiera handia, eta igandean izango dute helmuga. Tartean, festa girorako mendateak igo beharko dituzte.
Larunbatean hasiko da Frantziako Tourra, baina Altzibarren Le Grand Depart (Hasiera handia) bi egun lehenago egingo dute. Izan ere, datorren ostegunean, San Pedro Egunarekin, hasiko dira auzoko festak.
Hasiera —ustez— suabea izan eta gero, lehenengo mendatea iritsiko da ostiralean. Afari-merienda eta gaueko kontzertuak izango dira eguneko aldaparik gogorrenak.
Larunbatean izango da etapa erregina. Goizerako haur zein jubilatuentzako ekitaldiak antolatu dituzte, eta arratsaldean truk txapelketaren eta danborraden txanda izango da. Arratseko azken mendateak afaria, bingoa eta kontzertuak izango dira.
Igandean iritsiko dira sanpedroak helmugara. Ez da helmuga erraza izango, ekitaldien artean sigi-saga ibiliko baitira: artisauen azoka; pilota; dantza; erromeria; haurrentzako jolasa… Tropelak baino kolore gehiago izango ditu igandeko egitarauak.
Osteguna, hilak 29
- 18:30: Festei hasiera emateko suziria eta traka.
- 18:30-20:30: Pintxo potea.
Ostirala, hilak 30
- 18:00: Buruhandiak txistularien laguntzaz.
- 20:00: Elkarretaratzea dultzaineroen laguntzaz.
- 20:30: Herri afari-merienda plazan.
- Tortilla jatea.
- Sardina jatea (dohainik, dagoena bukatu arte).
- Afarian zehar mariskada eder baten eta beste sari askoren zozketa egingo da.
- 23:00: Kontzertuak auzoko plazan:
- Zurrounk.
- Belamobb.
- Anal Sex.
Larunbata, uztailak 1
- 10:30: Altzibarko XII. haur eta gaztetxoen duatloia, 2 urtetik 14 urte arteko haur eta gaztetxoentzat.
- 11:30: Erraldoi txikien kalebuelta.
- 12:00: Toka txapelketa plazan.
- 14:00: Jubilatuen bazkaria Bazkun Zahar Berri elkartean.
- 16:30: XXXVII. Truk Txapelketa Altzibarko Esku Garbia elkartean. Izen ematea: 15 euro (bikoteko). Izen ematea 16:15ean itxiko da.
- 18:00: Danborreroen txupinazoa eta poteoa Olaldetik hasita, txarangaren laguntzaz auzoko kaleetan barrena, buruhandiekin batera.
- 19:30: Altzibarko haurren eta helduen danborrada Olaldetik hasita.
- 21:30ean: Afaroa plazan.
- 23:00: Bingo musikatua.
- 00:00: Kontzertua, plazan: Tokan2 Lapolla.
Igandea, hilak 2
- 09:00: Diana.
- 10:30ean: Goiz eta arratsalde, herriko artisauen azoka plazan.
- 11:00: Benjamin eta kimuen esku pilota partidak Zelaia Etxadiko frontoian.
- 12:00: Euskal dantzak, Haurtzaro Dantza Taldearen eskutik.
- 12:00: Gaztetxoen I. bizkotxo txapelketa (norberak etxean egina).
- 12:30: Erromeria Hernaniko Txilibita fanfarrearekin Soinuenearen eskutik.
- 14:00etatik aurrera plazan bazkaltzeko aukera.
- 17:00: Dantza familian plazan Ixiar Oriarekin.
- 18:00: Haur jolasak eta txokolatada Klarene plazan.
- Ondoren (19:30 aldera) apar festa Olaldeko plazan.
- 20:00: Afaltzeko aukera plazan.
- 22:00: Festekin bukatzeko suzko zezena.