Euskaraz Urtaberen biharko saioa irailera atzeratu dute
Enpresa eta merkatarientzako saioa udako oporraldia pasatu arte atzeratzea erabaki dute. Bertan parte hartzera animatu dituzte.
![euskaraz urtabe](https://oarsoaldea.hitza.eus/site/files/2023/06/whatsapp-image-2023-06-27-at-15-40-34.jpeg)
Oiartzungo Udala Euskararen Plana osatzeko prozesuan buru-belarri sartuta dago. Arlokako hainbat saio egiten ari dira. Lehenengoa euskalgintza eta hedabideetako ordezkariekin egin zuten.
Aurreko astean, berriz, kultura, aisialdia eta kirolaz aritu ziren. Biharko —hilak 29, asteazkena— merkatari eta enpresariekin saioa egitekoak ziren.
Hizkuntza Normalizaziorako Sailak jakinarazi duenez, irailera arte atzeratu dute saio hori. Gonbita egin dute: “Oiartzungo enpresari edo merkataria bazara, egon adi irailean argitaratuko den datari, eta animatu parte hartzera!”.