[Bideoa] Denboraldiko hirugarren bandera poltsikoratu du 'Libia'-k
KAE 1 ligan nagusitasuna erakusten jarraitzen dute sanpedrotarrek. Bost estropadetatik hiru irabazi dituzte.
Asteburu hau ere oparoa izan da San Pedroko arraunlarientzat, KAE 1 ligan maila erakusten jarraitzen dute. Izan ere, denboraldiko hirugarren bandera eskuratu dute asteburu honetan, etxetik metro eskas gutxira gainera. Donibanen jokatutako erlojupeko estropada gogorrean azkarrena izan zen ‘Libia’ (21:24,09eko denbora egin zuten). Garaipen honekin, sailkapeneko postu gorenean jarraitzen dute sanpedrotarrek, sei puntura dute egun bigarren sailkatua (Lapurdi).
Sailkapen orokorrean hirugarren izaten jarraitzen du San Juanek. Haiek izan ziren sanpedrotarren larunbateko aurkari gogorrenak, bigarren postua eskuratu zuten (21:27,10eko denborarekin). Hirugarren Lapurdi taldea izan zen, 21:29,26ko denbora egin zuen.
Larunbateko emaitza guztiak hemen kontsulta daitezke.
Jarraian herritar batek HITZAri bidalitako bideoa ikus daiteke:
