Xanistebanetako hesien zaintzako lan-poltsa irekiko da asteazkenean
Hiru baldintza bete beharko dituzte hautagaiek. Hilaren 26an jakinaraziko dute nork egingo duen lan, hautagaien artean zozketa egin ondoren.
Datorren asteazkenean, hilak 5, irekiko dute xanistebanetan hesiak zaintzen lan egiteko lan-poltsa. Horrela jakinarazi du Oiartzungo Udalak. Hilaren 21era arte aurkez daitezke hautagaitzak.
Hiru baldintza bete beharko dituzte: 18 urte beteta izatea, oiartzuarra izatea eta euskarazko B2 maila edo baliokidea egiaztatzea.
Batxiler edo goi-mailako lanbide heziketa ikasketak euskaraz egin dituztenek B2 euskara egiaztagiria eskatu dezakete Eusko Jaurlaritzan. Udalak jakinarazi duenez, ziurtagiririk ez dutenek euskara froga egiteko aukera izango dute.
Xanistebanetan hesiak zaintzen lan egin nahi dutenek udaletxeko harreran aurkeztu beharko dute izena.
Aurkezten direnean artean zozketa bidez erabakiko da nor arituko den lanean. Zozketa publikoa uztailaren 26an, 15:00etan, izango da, udaletxeko areto nagusian. Bertan egon beharko dute izena eman dutenek.
