Ostirala izango da Oiartzun Irratiaren bazkarirako txartelak erosteko azken eguna
Hilaren 15ean izango da bazkaria, Done Eztebe plazan. San Fermin Eguna izango da txartelak eskuratzeko azkeneko eguna.
Aurreko bazkaria duela lau urte egin zuten, 20. urteurrena ospatzeko. Oiartzun Irratiak 24. urteurrena beteko du aurten. Hori ospatzeko, bazkaria antolatu dute hilaren 15erako, irratiaren inguruko komunitatearekin.
Sarrerak salgai daude 15 euroan, Landetxe tabernan eta Oiartzun Irratian bertan. Bihar —hilak 7— izango da sarrerak eskuratzeko azkeneko eguna, ohartarazi dutenez.
Kontzejupean izango da otordua, 14:00etan hasita. Menua zein izango den aurreratu dute: entsalada, paella, postrea, kopa eta kafea.
Bazkaldu ondoren, umorerako tartea izango da, Mirari Martiarenak bakarrizketak eskainiko baitu. Gero, bingoaren txanda izango da. Herriko komertzioek eman duten produktuak izango dira lor daitezkeen sariak.
Oiartzun Irratiak oiartzuar guztiak gonbidatu ditu urtebetetze festara, denak izango baitira “ongietorriak”. Horrez gain, gogorarazi dute irratiak “beti” dituela ateak irekita.
