Agintaldia antolatzeko plenoa egingo dute asteazkenean
Kargua hartu ondorengo lehenengo plenoa izango da hilaren 12koa. Osoko bilkuren maiztasuna, gobernu batzarreko kideen izendapena eta abar finkatuko dituzte.
![udal taldeak](https://oarsoaldea.hitza.eus/site/files/2023/07/udal-taldeak.jpg)
Duela hiru aste hasi zen 2023-2027 agintaldia, zinegotziek kargua hartu ondoren. Datorren asteazkenean, hilak 12, egingo dute lehenengo udalbatzarra.
Ohi bezala, 18:00etan hasiko da, eta zazpi puntu izango dituzte aztergai. Agintaldia antolatzeko gaiak izango dituzte aztergai. Honakoa izango da gai-zerrena:
- Aurreko bilkuren akten onarpena.
- Osoko bilkuren maiztasunari buruzko proposamena eta oro har egutegi instituzionala onartzea.
- Batzorde informatzaile orokorrak sortu eta osatzeko proposamena.
- Udalbatzaren eskumenekoak diren organo kolegiatuetako udalaren ordezkariak izendatzeko proposamena.
- Alkateari eta zinegotzi batzuei dedikazioa aitortzeko eta ordainsarien proposamena, behin-behineko langilearen dedikazioa eta ordainsariaren proposamena eta dedikaziorik gabeko kideen ordainketak, udalkideen kalteordainak eta udal talde politikoen diru-izendapenak.
- Kontratazio-mahaiaren eraketa (Udal Osoa denean kontratazio organoa).
- Berri ematea:
- Tokiko Gobernu Batzarreko kideen izendapena.
- Alkateordeen izendapenak.
- Batzorde Informatiboen lehendakaritza eskuordetzeak.
- Tokiko Gobernu Batzarrak eskuratutako ahalmenak.
- Zinegotzi delegatuen izendapena.
- Kontratazio-mahaiaren eraketa (Alkatea denean kontratazio organoa).
- Talde politikoen eraketa.