Gurutze eta Lanbarren arteko errepideko tarte bat, itxita
Uztailaren 17tik irailaren 19ra bitartean tarte bat itxiko dute. Aldundiak errepide alternatiboen berri eman du.
![gurutze gi3632](https://oarsoaldea.hitza.eus/site/files/2023/07/whatsapp-image-2023-07-12-at-14-18-12.jpeg)
Gipuzkoako Foru Aldundiak jakinarazi duenez, GI-3632 errepidearen zati bat itxita egongo da datorren astelehenetik —hilak 17— irailaren 19ra bitartean.
Lanbarren eta Gurutze auzoa elkartzen ditu errepide horrek; zehazki, 0,500 eta 1,000 kilometro puntuen artean. Oin-horma bat eraiki behar dute, eta beste bat konpondu.
Errepide alternatiben berri eman du Gipuzkoako Foru Aldundiak, galtzada moztuta egongo den denbora tarte luze horretarako.
GI-636 errepidetik —Nazional zaharra— Lanbarrengo parke logistikoko pabiloietara sartzeko aukera egongo ela jakinarazi dute.
Hala ere, Gurutze auzotik parke logistikora sartu ahal izateko, GI-2134 errepidetik jarraitu beharko da Arraguaraino —Elizalde zeharkatuta—, GI-2132 errepidetik Lartzabaleraino eta GI-636 Errenteriatik Irunera.