OTXEren 2023/24 ikasturtean parte hartzeko izena ematea, irekita
2010 eta 2013 urte artean jaiotako gaztetxoei zuzenduta dago ikasturtea. BMX, Trial, errepidean eta BTTn ibiltzeko aukera izango dute.
![otxe](https://oarsoaldea.hitza.eus/site/files/2023/07/otxe.png)
Oarsoaldeko Txirrindularitza Eskolak (OTXE) jakinarazi duenez, 2023/24 ikasturterako izen emateak zabalik dituztela, abuztuaren 20a arte.
Eskualdeko lau udalerrietako gazteei zuzenduta dago eskola; beraiek izango dute eskolan sartzeko lehentasuna. Ikasturtea 2010 eta 2013 urte artean jaiotako gaztetxoei zuzenduta dagoela zehaztu dute, eta hainbat bizikleta modalitate ezagutu ditzaten.
Bizikletaren teknika eta mekanika ikasteaz gain, BMX, trial, errepidean eta BTTn aritzeko aukera izango dute.
Irailean hasiko da ikasturtea, eta hilero modalitate bat probatuko dute, ekainaren 15era arte.
Astean bi saioa egingo dituzte, astelehen eta asteazkenetan edo astearte eta ostegunetan. Bi kasuetan, 17:30etatik 19:30etara izango dira.
Txirrindularitza Eskolan izena eman nahi dutenek oinarrizkoa baino ez dute beharko: bizikleta bat eta kaskoa. Gainerako materiala, jakinarazi dutenez, OTXEk berak utziko du kirolarien esku.
Interesdunek galdetegi bat bete beharko dute izena emateko.