'Zer berri LezOn?'-en hamabosgarrena, kalean
Gai nagusiak udalean izan den ziklo aldaketaren berri emateko dira. Etxe guztietan banatzen ari dira, baina udalaren webgunean ere eskura daiteke.
Lezoko Udalaren aldizkariaren hamabosgarren zenbakia kalean da jada. Etxebizitzetako postontzietan banatzen ari dira, baina hala ere, Kultura bulegoan edo Lezoko Udalaren webgunearen bitartez lor daiteke Zer berri LezOn?
Gai mamitsuenek, ziklo aldaketa batekin dute harremana. Izan ere maiatzaren 28ko udal hauteskundeetan EH Bilduk irabazi zituen, gehiengo osoa eskuratuz. Harenak dira gobernu ardurak. Beraz, Mikel Arruti alkate berriaren aurkezpena, eta Jesus Mari Martiarena azken bi agintaldietan herriaren gidari izan denaren agurra jasota daude bertan.
Gainera, udalbatza berria zein den agertzen da agerkarian, baita gobernu taldeko kideen arduren eta haien dedikazioen zerrenda ere.
Gai horiez gain, udaleku irekien gaineko informazioa, nahiz herrian izan diren azken kirol jardueren gainekoak ere landu dituzte udal aldizkariaren hamabosgarrenean.
Bestalde, abuztu eta irail artean egitekoa den Kilometro Lezo jardunaldien egitaraua ageri da berripaperean.
Aldizkaria oso-osorik deskargatzeko aukera, hemen klik eginda.
