Azken bi mendeetako jantzien erakusketa, Arizmendienean
XIX. eta XX. mendeetako jantziekin osatutako erakusketa irailera arte ikusi ahal izango da. Errenteria-Oreretako Jantzien Zentroak utzitakoak dira.
Erakusketa ikustea doan izango da. Arizmendienea etxean erakusketa ikus daiteke irailaren bukaerara arte. Zehazki, XIX. eta XX: mendeetako jantziak aurki daitezke bertan, Errenteria-Oreretako Jantzien Zentroak utzitakoak.
Garai hartako familia aberatsek erabiltzen zituzten traje, soineko eta osagarriak ezagutzeko manikiak jarri dituzte etxe museoan. Neskame eta inudeek eramaten zuten arropa ere ikusgai dago.
Kaleko arropa ikus daiteke, baita jangelan zein logelan erabiltzen zutena ere, besteak beste. Klase altuko jendearen modaren bilakaerari buruzko azalpenak sartu dituzte Arizmendienean eskaintzen dituzten bisita gidatuetan.
Erakusketa uztaila eta abuztuan irekita egongo dela jakinarazi dute. Turismo Bulegoaren ordutegi bera izango du, eta doan sartu ahal izango da bisita egitera. 09:00etatik 14:00etara ikus daiteke goizez, 16:00etatik 19:00etara arratsaldez.
Irailean ere bisitagarri egongo da, bisita gidatuetan.
