[Bideoa] Flashmoba egin dute udalekuetan
Ondarea ardatz dutela, dantza egin zuten Olaia Inziarteren moldatutako abesti batekin. Ostegunean hartu zituzten irudiak, ikastolako patioan.
Oiartzungo udaleku irekietako gaia, aurtengo ekitaldian, ondarea da. Herriko ondarearen berri jasotzen ari dira 400 haurrak, modu batera edo bestera. Eraikinak, bertsolariak, idazleak… Ondare materiala eta inmateriala da lantzen ari direna.
Urtero bezala, flashmoba errodatu dute aurten ere. Olaia Inziarte abeslari iruindarraren Beheko klasekoa abestia hartu eta moldatu du Irati Matelo begiraleak, eta letra beraien artean idatzi dute (behean irakur daiteke). Bideoan ikus daiteke gelditu den emaitza.
Aizu, bai zu, ezagutzen al tzu Oiartzungo ondaria?
Aixa ta auro kontatuko dizut, gue herriyan historia.
Dorretxe, errota, baserri, burdinola, trena ta meategia,
hizkera, gaztelu ta pertsona garrantzitsuak. Bai zerrenda amaigabia
Ondaria arront matte dugu, attu ongi ta adi: oroittu in ber dugu betiako bizi dadin.
Mendiburu, Lete, Lekuona, idazle ta abeslariak.
Azkue, Isatse, Makutso eta Larre,
Garbuno, Pagoa, Aldako eta beste hainbat dorretxe.
Beloaga gaztelua izan zen, ta Zorrola Artikutzako trena.
Arditurriko meategiyak, erromatar garaikuak.
Ondaria arront matte dugu, attu ongi ta adi: oroittu in ber dugu betiako bizi dadin.
Abestuz, pasiatuz, istorioak elkarri kontatuz, pozez, ondorenguei alletu baietz!
Eju iñez gatoz ta, erne attu zazu Oiartzun
Ondaria mattatuz elkarrekin gogor erantzun! (x6)
