Lau barrutiak bizikleta martxa batekin lotuko ditu EH Bilduk
Bizikleta bira Donibaneko Bixi-Bixi elkartearen parean hasiko da. San Pedron egingo dute ekitaldi politikoa.
Pasaiako EH Bilduk kanpaina ekitaldia egingo du bihar arratsaldean, Espainiako Gorteetarako Hauteskundeen testuinguruan. 19:00etan abiatuko da bizikleta martxa, eta Donibane, Antxo, Trintxerpe eta San Pedro lotuko ditu.
Jarduera musikatu horrekin “modu alai batean” salatu nahi ditu EH Bilduk herriaren barruko mugikortasun zailtasunak. “Aldarrikapen mota hau egitea erabaki dugu, zenbait arazoren berri emateko aukera paregabea delako”. Izan ere, bizikleta ibilbideak argi utziko baitu zeintzuk diren portuak ezartzen dituen mugak, Adifen Pasaiako geltokiaren egoera, edota Espainiako Gobernuaren esku dagoen portuak ezartzen dituen eguneroko zailtasunak.
Bizikleta bira Donibaneko Bixi-Bixi elkartearen parean hasiko da 19:00etan, eta 20:30ean bukatuko da San Pedroko Antxeta parean egingo de ekitaldi laburrarekin. Martxa San Pedrora iristean egingo du alderdiak ekitaldi politikoa. Ostean, musika saioa Beñat Ugalde DJaren eskutik.
