Bihar irekiko ditu ateak Fanderiako Errota jatetxeak
Udalak gauzatu du lizitazioa eta, horrenbestez, bihar irekiko ditu ateak jatetxeak, 10:00etatik 00:00etara.
Fanderiako Errota jatetxea. Abenduan iragarri zuen Errenteria-Oreretako Udalak lizitazio berria jarri zuela martxan Fanderiako Errota jatetxea kudeatzeko. Bada, Iñigo Agote ostalariari esleitu diote eta jatetxeak bihar irekiko ditu ateak, herriko jaien eztanda handian.
Ostalariak eta udalak sinatutako emakida sei urtekoa da, bederatzi urtera luza daitekeena. Bestetik, irekiera ordutegia 10:00etatik 00:00etara bitartekoa izango da, astelehenetik igande bitarte eta asteartetan itxi egingo da.
Bertaratzen direnek gosariak, pintxoak, bazkariak, afariak, ogitartekoak, errazioak eta abar topatuko dituzte sabela betetzeko. Dagoeneko erreserbak egin daitezke helbide elektroniko honetara mezu bat idatziz.
