Oiartzungo udan, 'Sumendiak', 'Suzko erroberak', edo 'Bakarrik'
10-25 adin tarteko 101 oiartzuarren ekarpenarekin egin dute festetako eta udako abestien zerrenda. Partaideek sariak izan dituzte.
Xanistebanetako eta Oiartzungo udako doinu banda izango dena herriko 10 eta 25 urte bitarteko 101 pertsonak aukeratu dute. Udalaren ekimenez, herriko ikastetxeetako ikasleek parte hartu dute playlist udatiarra osatzen: horiek denek 383 kanta proposatu dituzte, eta hautatutakoak bi zerrendatan banatu dituzte, bat egunez entzuteko musikari dagokiona, beste gauekoa. Bi playlist horiek Spotify plataforman daude, Oiartzun musika euskaraz izeneko kontuan. Adibidez, herriko festetan, barraketan jarrita izango dituzte zerrenda horietako kantak.
Nola ez, Euskal Herriko talde esanguratsuenen abestiez gain, herriko musikarienak ere badaude, Txiltxokorenak, Bengorenak edo Autobus Magikoarenak adibidez.
Abestiak aukeratzeko prozesuan parte hartu dutenentzako sariak izan dira. Atzo zozkatu zituzten Oiartzun Irratian. Hiru bozgorailu eramangarri eta barraketako fitxez osatutako hiru sorta zozkatu zituzten. Horiek abuztuaren 2an emango dizkiete zortedunei, 16:30ean, Labaderoan.
Datuei erreparatuta, honakoak dira boto gehien jaso dituzten abestiak, eta gehien aipatuak izan diren taldeak.
Kantak (jasotako bozen araberako sailkapena):
- ‘Sumendiak ‘(ETS): 27 boto
- ‘Bueltan da!’ (Bulego): 23 boto
- ‘Kantu bat ‘(Bulego): 23 boto
- ‘Aukera berriak’ (ETS): 19 boto
- ‘Zugaz’ (Txiltxoko): 18 boto
- ‘Guretzat’ (ETS): 17 boto
- ‘Itzulera’ (Zetak): 17 boto
- ‘Bakarrik’ (Bengo): 16 boto
- ‘Suzko erroberak’ (Bulego): 15 boto
- ‘Izan ezazu argia’ (ETS): 14 boto
Taldeak (jasotako aipamenen araberako saikapena):
- ETS 163 aldiz (lehenengo 10 kanten artean 4 ditu)
- Bulego 101 aldiz (lehenengo 10 kanten artean 3 ditu)
- Zilibito Records 56 aldiz
- Bengo 48 aldiz (lehenengo 10 kanten artean bat du)
- Zetak 43 aldiz (lehenengo 10 kanten artean bat du)
- Txiltxoko 31 aldiz (lehenengo 10 kanten artean bat du)
- Autobus magikoa 26 aldiz
- Gozategi 22 aldiz
- Gatibu 21 aldiz
- Dupla 21 aldiz
