Uztaileko udalbatzarra, asteazkenean
Hilaren 26an egingo da Oiartzungo Udaleko hilabeteko ohiko udalbatzarra, 18:00etan, pleno aretoan. 12 gai izango dituzte hizpide.
Oiartzungo Udalak iragarri du datorren asteazkenean, hilak 26, izango dela hilabeteko ohiko udalbatzarra, 18:00etatik aurrera, udaletxeko pleno aretoan. Asteazkenekoa, gainera, ikasturteko azken ohiko bilkura izango da.
Udal zinegotziek 12 gai izango dituzte hizpide, tartean Espainiako Auzitegi Konstituzionalak Udal Legearen aurka, udalei euskara hutsez aritzeko aukera ezetsiz emandako epaiaren harira bi udal taldeek adostutako adierazpen instituzionala.
Hona hemen jorratuko dituzten 12 puntuak:
- 1. Aurreko batzarrari dagokion aktaren onarpena.
- 2. Udalbatzaren hainbat eskumen alkateari eskuordetzea.
- 3. Gorrinzulo iturburuko abeltzaintzarako ur aprobetxamenduaren administrazio emakidaren eskaera.
- 4. Malkor errekako abeltzaintzarako ur aprobetxamenduaren administrazio emakidaren eskaera.
- 5. Erain errekako abeltzaintzarako ur aprobetxamenduaren administrazio emakidaren eskaera.
- 6. Altzibar Egoitza Berria SL sustatzaileak Javier Telleria Elorz aritektoak egindako ‘Oiartzun. Altzibar ALT 6 eremuko R-2 lursailaren xehetasun azterketa’ dokumentuaren behin betiko onarpena.
- 7. 2023. urteko lanpostuen zerrenda eta plantilla aldatzea.
- 8. 2022ko ekitaldiari dagozkion eskubide ekonomikoei baja ematea (ordainagiriak baliogabetzea).
- 9. Adierazpen instituzional adostua EH Bildu eta EAJ-PNVren artean.
- 10. Kreditu gaikuntza motako 5 zenbakiko kreditu aldaketarako espedientearen berri ematea.
- 11. Beste organoen jardueraren jarraipena.
- 12. Eskari-galderak.
