Muxiko Festa, uztailak bost igande dituelako

Betizutik elkarteak fin jarraitzen du ohiturarekin: uztailak bost igande izaki, beraz, Muxiko Festa egingo dute. 11:00etan hasiko dira jarduerekin.

Ez dute hutsik egiten. Hilabeteren batek bost igande dituenean, Betizutik elkarteak Muxiko Festa antolatzen du. Datorren igandea hala izango da: uztailaren 30a hil honetako bosgarren igandea da, beraz, Lezo dantzara!

Ikasturteko azken ekitaldia izango da Betizutik-ek igandean egingo duena. Ez, ordea, apalena. Izan ere, 11:00etan muxikoen tailerra egingo dute, eta 12:00etan ekingo diote dantzaldiari. Gurutze Santuaren plazan bilduko dira dantzariak, baina eguraldiak laguntzen ez badu badute alternatiba: Karlos Saldise plaza.

Betizutik elkartekoek mezua zabaldu dute: “Jendea anima dadila, primeran pasatuko dugu eta!”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.