Erakusleihoak ilustratzen jarraituko dute gaur eta bihar
Biyurrieneak antolatutako lehiaketak aurrera jarraituko du asteazken eta ostegun arratsaldeetan. Ilustratze lanekin batera musika emanaldia izango da.
Karmele Antunez farmazian egin dute ilustrazioetako bat. Biyurrieneak eta Itturrik elkarlanean antolatutako lehiaketak aurrera jarraituko du gaur —asteazkena, hilak 26— eta bihar.
Erakusleihoak ilustratzeko deia egin zuten bi elkarteek, eta sei sortzailek eman dute izena. Esnatu altzari-denda eta Karmele Antunez farmaziakoak jada ilustratu dituzte —Maite Gonzalez eta Maialen Etxebestek, hurrenez hurren—, eta gaur Kinkilakoaren txanda izango da.
Ian Estebaranz ari da momentu honetan mertzeriaren erakusleihoa ilustratzen. Hiru orduko muga izango du horretarako, 19:00ak arte. Herritarrak dendara hurbildu eta arratsaldea girotzeko asmoz, musika emanaldia izango da, Dj Artzaian Semiaren eskutik.
Bihar, berriz, hiru izango dira ilustratuko dituzten eskarapateak, formatua errepikatuz. Ikusleei txarteltxo bat emango diete, eta botoa eman beharko dute.
Irabazleak 300 euroko saria jasoko du, eta gainontzeko parte-hartzaileei bonu bat emango diete Itturriko komertzioetan erabiltzeko.
Honakoa izango da biharko egitaraua:
Zapirain tabako-denda
- 16:00etatik 19:00etara: Naroa Zabaleta.
- 16:30ean: Dani Picazo eta Maria Ortega piano jotzaileak.
Nerea ile-apaindegia
- 16:00etatik 19:00etara: Ane Narbarte.
- 17:15ean: Irati Matelo.
Baobab arropa-denda
- 16:00etatik 19:00etara: Amaia Belaunzaran.
- 18:00etan: Xabi Belaunzaran, Izaro Retegi eta Oihan Gastesiren kontzertua.
