Donostiako klasikoa dela eta, trafiko mozketak larunbatean
Nafarroa etorbidea Lartzabalgo Biribilgunetik Galiziako biribilgunera eta azken horren eta Lezoko biribilgunearen arteko zatia itxita izango dira 14:00etatik 17:00etara.
Donostiako klasikoa proba dela eta trafiko mozketak izango dira larunbatean. Horrela, Nafarroa etorbidea Lartzabalgo Biribilgunetik Galiziako biribilgunerako tartea eta azken horren eta Lezoko biribilgunearen arteko zatia itxita izango dira 14:00etatik 17:00etara. Ordutegiak kontuan hartu eta ordezko bideak erabiltzeko eskatu diete gidariei Udaltzaingotik Nafarroa etorbidera joateko, eta N1 errepidea (saihesbidea) eta erdialdeko kaleak erabiltzea gomendatu dute auzoetara sartzeko.
Erdigunetik oinez joango diren herritarrei arretaz ibiltzeko eta ordutegiak kontuan hartzeko eskatu diete pasabideak zeharkatzerakoan.
Nafarroa etorbidean kaltetutako eremuan garajeak dituztenek kasu horietan erabili ohi dituzten sarbideak erabili beharko dituzte.
