[Bideoa eta argazkiak] Sardinak banatuta eta erretiratuak bazkalduta; dena prest!
Dagoeneko banatu dizkiete sardinak aurten 20 postuetan arituko diren kuadrillei. Bien bitartean, bazkaria izan dute jubilatuek.
Udaletxetik abiatu dira banatzaileak alde zaharrera. 
Sardinen egun handia dute gaur Donibanen, San Pantaleon. Arrain erreak jan ahal izateko, baina, horiek postuz postu banatu behar! Donibaneko Jai Batzordean zozketa bidez erabakitzen dute urtero postuak izango dituzten kuadrilletako zein bi izango diren horiek banatzeko arduradunak. Eta aurtengo zortedunek konplitu dute egitekoarekin.
15:00en bueltan elkartu dira horiek, nahiz udaleko langileak, udaletxe parean. Bertatik, kamioi bete sardina ibili dira hirigune historikoan zehar postuak hornitzen. Hogei izango dira aurten sardina erreak banatuko dituzten kuadrillak eta, beraz, baita postuak ere.
19:00etatik aurrera izango da hori. Bien bitartean, bakar batzuk hasi dira lehen sugarrak pizten, eta beste asko oraindik bazkalondokoekin ari ziren arrai kaxak heldu zaizkienean. Ondoko bideoan eta argazkietan ikus daiteke nola joan den aurtengo banaketa.
