Gasaren igoerari aurre egiteko, enpresentzat laguntzak
2021 edo 2022 urteetan 1,5 GWh-ko kontsumoa izan duten enpresak aurkez daitezke deialdira, abuztuaren 24a baino lehen.
Oarsoaldea Garapen Agentziak jakinarazi du gas naturalaren hornidura kostuei aurre egiteko laguntzak daudela. Zehazki, kontsumo handiko industria instalazioei bideratuta (elikadura, pasata eta papera, kimika, beira eta azulejoak edo metala arloetakoak, besteak beste) daude laguntza horiek, eta Espainiako Gobernuaren Industria, Merkataritza eta Turismo Ministerioak bideratu ditu: 450 milioi euroko partida bideratu du laguntza lerro horretarako: laguntza eskatu ahal izateko enpresa horiek 2021 edo 2022 urteetan 1,5 GWh baino gehiagoko gas naturalaren kontsumoa izan dutela demostratu behar dute. Laguntzen zenbatekoa kostu osoaren %50eraino iritsi daiteke.
Laguntzak eskatzeko epea abuztuaren 24ra arte dago zabalik. Hori egiteko Espainiako Gobernuaren Industria, Merkataritza eta Turismo Ministerioaren egoitza elektronikora jo behar dute interesdunek. Han, baldintza zehaztez gain, zer agiri aurkeztu behar diren azaltzen da. Laguntza horiek, behin onartuak direnean, enpresei 2023ko abenduaren 31 baino lehen iritsiko zaizkiela ziurtatu dute.
Informazio gehiago izateko Oarsoaldea Garapen Agentziarekin ere jar daitezke harremanetan enpresak, telefonoz (943 49 41 29) edo posta elektronikoz.
