[Argazkiak] Sokatiran, Ugaldetxo nagusi
Auzoen arteko XXXV. Sokatira Txapelketa Ugaldetxok irabazi zuen, bai emakumeetan eta bai gizonetan.
Madalensoro pilotalekuan elkartu ziren atzo, Oiartzungo auzoen arteko XXXV. Sokatira Txapelketan, herritarrak eta auzoka antolatutako taldeak. Arratsaldeko 16:00etan hasi, eta 20:30ak arteko espektakulua izan zuten herritarrek, Artaso elkartearen eskutik.
Oiartzunek, guztira, zortzi auzo ditu, eta ez gizonek ez emakumeek ez zuten lortu auzo guztietako ordezkaritza. Bide horretan, gizonezkoetan Elizalde izan zen ordezkatuta egon ez zen bakarra; emakumeetan, berriz, ordezkapena izan zuten Arraguak, Altzibarrek, Iturriozek, Karrikak eta Ugaldetxok.
Ugaldetxo izan zen txapelketaren nagusi, bai emakumeetan eta bai gizonetan. Emakumeek zazpi punturekin irabazi zuten, hau da, baten faltan jokaldi guztiak irabazi zituzten; gizonezkoek, aldiz, guztiak irabazi zituzten. Ondoko taulan ikus daitezke emaitza guztiak.
Gizonezkoen emaitzak.
Emakumezkoen emaitzak.
