[Argazkiak] Karrikan, festaz blai
Atseden hartzeko eguna dute gaurkoa Karrikako auzotarrek, baina bihar itzuliko da festa, azken egun handia ospatuko dute.
Atseden hartzeko eguna dute gaurkoa Karrikako auzotarrek. Ostiralean abiatutako jaiek etenalditxoa egingo baitute gaur, bihar (hilak 15) aurtengo festei behar bezalako bukaera emateko.
Asteburu biribila izan da, zerekin gozatzeko hamaika aukera izan baitituzte herritarrek. Truk txapelketa, BTT lagun irteera, haurrentzako ginkana, puzgarriak, musika, azoka, bazkariak… Ez da aspertzeko tartetik izan. Eguraldi kaskarrak ez du ekitaldirik zapuztu, ez da etxean geratzeko aitzakiarik izan.
Bihar izango da azken festa eguna, eta honakoa prestatu dute auzotarrek:
Abuztuak 15, asteartea
- 10:00etan: Goiz erestia Lartaun txistulariekin egunari hasiera emateko.
- 10:15ean: Meza.
- 11:00etan: Haurtzaro dantza taldea.
- 12:00etan: Pilota partida ikusgarriak.
- 17:45ean: Idi dema.
- Partaideak: JEXUX GARAIAR MIXIYUA, IÑAXIO TELLERIA ETA AITOR MATXAIN.
- Ondoren, otar eder baten zozketa eta beti bezala, plater konbinatuak afaltzeko aukera.
- 23:00etan: Jaien amaiera. Su artifizialak eta suzko zezena.
HITZAk asteburuko irudi ugari jaso ditu. Honako irudiak utzi ditu asteburuak: