Kilometro Lezoren bigarren asteburuan, etxeko antzerkia eta dantza
Larunbatean eta igandean izango dira bigarren asteburuko emanaldiak. Orratx!-ek berriz ere taularatuko du 'Ai, ai, ai badatorrela!'
Orratx! Antzerki Taldekoek larunbatean dute emanaldia. Kilometro Lezo kultur egitasmoaren bigarren asteburua izango da datorrena. Bi antzerki emanaldi, eta dantzako beste bat jasoko ditu Herri Eskolako jolastoki estaliak. Nabarmentzekoa da Orratx! Antzerki Taldeak berriz ere jendartera zabalduko duela haren azken obra. Saio guztiak doan dira.
Hasteko, ostiralean (hilaren 1ean), Hortzmuga konpainiak Agurea, urpekaria eta itsasoa antzezlana ekarriko du herrira, 20:00etan hasita.
Larunbatean, berriz, bi hitzordu gautiar. Lasala dantza konpainiak Alive izeneko pieza eramango du oholtzara 21:45ean hasita, eta ondoren, herriko antzerki taldeak, Orratx!-ek, Ai, ai, ai badatorrela! obra hirugarrenez eskainiko du herrian, 22:00etan hasita.
Kilometro Lezoren hurrengo emanaldiak irailaren 17an izango dira.
