Errenteriako Atletismo Taldeak denboraldi berria hasiko du
Hilaren 15ean aurkeztuko dute denboraldi berria Beraungo atletismo pistan.
Udako oprorraldiaren ostean kirol taldeak ere hasi dira jarduerekin. Errenteriako Atletismo Taldeak ere hala egingo du, eta hilaren 16an, iostiralarekin, aurkezpen ofiziala egingo du 18:00etan Mikel Odriozola estadioaren atletismo pistan. Denboraldiarekin bat egin duten kirolariek hartuko dute parte baina, CAR elkarteak korrika egiten hasi eta atletismo taldearekin bat egin nahi dutenak bertaratzera deitu ditu, “informazioa eskatzeko aukera izango dute, baita gure ekintzat probatzeko beta ere inolako konpromisorik gabe”.
Hala, gogora ekarri dute arduradunek gazteenei begira ATletismo Eskola duela Errenteriako Atletismo Taldea; 2010-2015 urteen artean jaiotako haurrei begirakoa da hori, eta ondokoak dira entrenamendu ordutegiak: benjaminek (2015-2014) asteazken eta ostiraletan aritzen dira entrenamenduan 17:30etik 18:30era; Alebinetan bi talde dira, astearte eta ostegunetan 17:15etik 18:15era arituko da lehena, eta asteazken eta ostiraletan 17:30etik 18:30era bigarrena; azkenik, Haur Mailako atletak (2011-2010) astelehen, astearte eta ostegunetan ariko dira entrenamenduetan 18:00etatik 19:30era.
Federatuentzako taldea
Federatutako txapelketetan parte hartu nahi duten atletek ere lekua dute atletismo taldean. Hala, 2005 eta 2009 artean jaiotako federatuak astelehen, astearte eta ostegunetan ariko dira entrenatzen 17:30etik 19:00etara; senior eta masterrak berriz, astearte, ostegun eta ostiraletan 17:30etik 19:00etara.
CAR Biziki running taldeak ere prest ditu elkarteak. Korrika egiten hasi nahi duen edota lasterketa bat taldean prestatu nahi duten kirolariei begirakoa da azken hori. Bi talde dituzte. Astelehen eta asteazkenetan 09:30etik 10:30era; eta astearte eta ostegunetan 19:00etatik 20:00etara,
Azkenik entrenamendu funtzionaleko talda du martxan CAR elkarteak. Osasuntsu mantendu, ariketa fisikoa egin aire librean eta baldintza fisikoak hobetu nahi dituztenei begirakoa da azken talde hori. Carfit taldea 2006tik 2009ra arte jaiotakoei begirakoa da eta astearte eta ostegunetan egiten dute saioa 18:30etik 19:30era; entrenamendu funtzionaleko taldea 18 urte baino gehiago dutenentzat, astelehen eta asteazkenetan aritzen da 09:30, 17:30 eta 18:30ean hasita.
Jarduera guztiak Beraungo atletismo pistan egiten dituzte. Informazio gehiago eskuratu nahi duenak mezua bidal dezake posta elektronikora.
