Atlantikaldia eta Jaizkibel Igoeraren harira trafiko aldaketak
Aurten lehen aldiz hiri barruko autobus zerbitzua izango da ostiral eta larunbat gauean.
Atlantikaldiak eta Jaizkibel Igoerak eragina izango dute trafikoan eta hainbat aldaketa egingo dituzte horren harira, ostegunetik igandera. Panier aparkalekuan ezingo da aparkatu bihar 20:00etatik hilaren 17ko 20:00ak arte. Halaber ibilgailkurik ezingo da egon Astotokiko aparkalekuan eta Nafarroako etorbidea Aurrerako zubitik Santa Klara biribilguneraino hilaren 14ko 08:00etatik hilaren 17ko 20:00etara.
Foru Plazako zamalanetarako eremuan, hilaren 13ko 12:00etatik hilaren 17ko 17:00etara ere ezingo da ibilgailuriuk egon aparkatuta, ezta Zamalbide kalean hilaren 14ko 10:00etatik hilaren 17ko 09:00etara.
Horien ordez aparkaleku bat egokituko dute ondoko ordutegiarekin: Mendi Lore aldearen zabalgunea (zezen plaza zaharraren zabalgunea) Lousada kalean hilaren 14tik hilaren 18ko 08:00ak arte.
Trafikoa ere moztuko dute eta garraio publikoan ere eragingo dute. Horien gaineko informazio zehatza hemen klik eginda eskura daiteke.
Udaltzaingoaren bulego mugikorra
Hilaren 15ean eta 16an Pelotari kalean Niessen Merkatalgunearen sarreraren ondoan, herritarren arretarako bulego mugikorra jarriko du Udaltzaingoak.
Jaizkibel Igoerari dagokionean, larunbatean eta igandean egingo dute Escuderia Jaizkibel taldeak antolatuta. Proba hori puntuagarria da Euskadi, Nafarroa, eta Gipuzkoako Mendi Igoeren txapelketarako. Larunbatean 14:00etatik 20:30era ikuskapen teknikoak egingo dituzte Touring etorbidean. Horrenbestez, 07:30etik 20:30era errepide zati hori itxita izango da ibilgailuentzat.
Jaizkibel Igoeraren gaineko informazio gehiagorako egin klik hemen.
