Abau bordara, urdabururekin
Hilaren 23 eta 24ko asteburuan egingo dute mendi irteera, eta Abau bordan emango dute gaua.
Abau borda. Argazkia: Urdaburu Urdaburu Mendizale elkarteak ohiko Abau bordara irteera antolatu du hilaren 23 eta 24ko astebururako. Larunbatean Matamachos, Kalbeira (1.682) Idoia (1.754), Abau ibilbidea egingo dute; 14 kilometroko ibilbidea da, 900 metroko desnibela du eta bost ordu eta erdiko iraupena aurreikusi dute.
Igandean, berriz, Juan Pito, Arrakagoiti, Kartxela (1.082), Anhauko Kurutze, Holtzarte bira, Logibar ibilbidea egingo dute; 22 kilometroko ibilbidea, 1.050 metroko desnibela du eta zazpi ordu eta erdiko iraupena aurreikusi dute.
Parte hartu nahi dutenek, izena eman behar dute hilaren 21a baino lehen, astearte eta ostegunetan 19:00etatik 21:00etara bitartean Urdabururen egoitzara joanda, edo egun eta ordutegi beretan 943 52 78 79 telefono zenbakira deituta. Autobusa, berriz, larunbatean (hilak 23) 07:00etan abiatuko da Zumardiko geltokitik, eta 07:05ean Lintzirindik. Bazkideek 45 euro ordaindu beharko dituzte, eta bazkide ez direnek, berriz, 50 euro, eta diru sarrera Urdabururen kontu korronte zenbakian egin beharko dute, erreserba bermatzeko.
Eraman beharrekoen gaineko azalpenak ere eman ditu Urdaburuk. Eguneko motxila eraman beharko dute irteeran parte hartuko dutenek. Larunbatean Abau bordan lo egingo dute, eta maindire-zaku edo zaku arin bat eraman behar dute, baita bi egunetarako janari guztia ere.
