[Argazkiak] Atlantikaldiaren olatura batu dira haurrak
Atlantikaldiaren lehen olatua txikienentzat izan da. Haur jolasak eta tailerrak izan dituzte arratsaldean.
Haurrak izan dira Atlantikaldiaren lehen orduetako protagonistak. Hasi da Atlantikaldia. Lehen olatua txikienek hartu dute, eta gustura ari dira eurei begirako tailer eta jolasekin. Margotu, giltzatakoak egin, birziklatzen ikasi jolasten duten bitartean, bitakora koadernoa sortu… Foru plazan kokatutako Herrixkan eraiki dute beren eremua eta gustura ari dira batean eta bestean.
Boga boga esperimentazioan paperezko itsasoan murgiltzeko aukera izan dute, baita hondarra eta urarekin jolasteko aukera ere.
Gutxi barru helduko da lehen kontzertuen txanda; 20:00etan izango da hori eta bi hitzordu daude gaur. Femina, eta Bea eta Idoia Asurmendik emanaldia egingo dute 20:00etan Itsasargia Nagusian. Ordu erdi geroago hasiko du Szamana bikoteak kontzertua Herrixkan.
Ondokoak Atlantikaldiaren lehen uneek utzi dituzten irudiak dira, txikienen gozamenerako sortutako espazioan.
Atlantikaldiaren egitarau osoa hemen klik eginda kontsulta daiteke.
