Datorren astean zabalduko dituzte ateak berriro gaztelekuek
Hilaren 21etik aurrera ekingo diote ikasturteari herriko hiru gazteen egoitzetan. Hezten elkartea hasiko da zerbitzua kudeatzen.
![](https://oarsoaldea.hitza.eus/site/files/2023/09/donibaneko-gaztelekuak-2019-1200x707.jpg)
Hilaren 21ean zabalduko dituzte berriro ateak Pasaiako gaztelekuek. Udako oporraldiaren ostean, ostegun horretatik aurrera berriro izango dira zabalik Trintxerpe-San Pedro, Donibane eta Antxoko gazteentzako udal egoitzak.
Denboraldia, beraz, datorren astean hasi eta 2024ko uztailaren 6ra arte luzatuko da. Gizarte- eta hezkuntza-ekipamendu ez-formal horiek zabalik izango dira ostegunetik igandera. Ostegunetan, 18:00etatik 20:00etara, eta ostiral eta larunbatetan 17:00etatik 19:00etara.
Hiru gaztelekuen zerbitzua ez du, jada, Kantauri Ludiko Elkarteak kudeatuko, Hezten elkarteak baizik. Udalaren azpikontratazio horrekin, beraz, gazteleku bakoitzeko bina hezitzailez gain, hiru gaztelekuetarako koordinatzaile bat ere ariko da lanean.
- Harremanetarako
- Antxoko gaztelekua: Axular plaza, 7 behea. Telefonoa: 943 24 25 77.
- Trintxerpe-San Pedroko gaztelekua: Gran Sol, 11, behea. Telefonoa: 943 24 81 98.
- Donibaneko gaztelekua: J.J. Otaegiko eraikineko hirugarren solairuan. Telefonoa: 943 51 72 90.