Hibaikaren helegitea ez du onartu TKEko arbitroak
Hibaikakoak seigarren sailkatu badira ere Euskotren Ligaren kanporaketa jokatu beharko dute asteburuan; txartel bakarra dago jokoan.
Hibaikako arraunlariak kontxako Baanderaren bigarren jardunaldian. TKE Lehiaketako Epaile Bakarrak hartutako bide beretik egin du elkarte bereko arbitroak. Azken horrek ere ez du onartu Hibaika Arraun Elkarteak aurkeztutako helegitea, eta beraz, errenteriarrak 2024an Euskotren Ligan lehiatzeko jokoan den txartel bakarra borrokatu beharko dute asteburuan jokatuko den play offean.
Hibaika Arraun Elkarteak Euskotren Ligako play offean parte hartu behar zuela zion ebazpena eman zuen hilaren 6an TKE Lehiaketako Epaile Bakarrak. Hibaikak helegitea jarri zuen eta lehiaketako arbitro bakarrari helarazi, araudiaren arabera beraiek ez luketela play offean parte hartu behar argudiatuta.
Gaur heldu da erantzuna. TKEko arbitro Bakarrak errenteriarren helegitea ez onartzea erabaki du. Horrenbestez, Hibaika, kaiku eta Zumaiak emakumeen kanporaketa jokatu beharko dute 2024ko denboraldiko Euskotren Ligarako azken txartela borrokatzeko.
Seigarren sailkapen taulan
Iaz heldu ziren, lan gogorrak fruituak emanda Hibaikako emakumeak Euskotren Ligara, emakumeen arraunaren gorenera. Iristeko bezain besteko lan gogorra egin dute errenteriarrek, eta hala erakutsi dute denboraldiaren estropada bakoitzean, baita Kontxan ere, ligari eusteko.
Seigarren sailkatu da Iñaki Mendizabalek entrenatzen duen eskifaia, eta horrek, errenteriarrak itsasoan aritu diren mailako beste bi traineru baino gehiago izan direla agerian utzi du. Baina, Hibaikak hura osatzeko parte hartu ez zuen araudi batekin egin du topo, eta halabeharrez joan beharko du mailari eutsiko badio, estropada horietara.
Kanporaketak Bizkaian jokatuko dira, Bermeon larunbatean 17:30ean hasita; eta Portugaleten, igandean, 11:25ean hasita.
