San Ferminen eztanda txikia, datorren asteburuan
Ate-joka dira 2023ko San Fermin Txikiak. Txupinazoa baino lehen txekor dastaketa eskainiko dute herriko elkarteek. 20:00etan, jaien eztanda.
Aurtengo San Ferminetako artxiboko argazkia. 
Asteburuan, Pasaian, ospakizun bikoitza. Batetik, San Pedro Txikiak, eta bestetik, San Fermin Txikiak. Ohi bezala, data berberetan ospatuko dituzte jai txikiak barruti morean eta gorrian. Bigarrenaren kasuan, epizentroa Biteri plazan kokatuko da aurten ere, topoaren obren ondorioz.
Ostiralean abiatuko den egitarauan, nabarmentzekoa, 19:00etan izango den txekor dastaketa. Herriko elkarteek antolaturiko topaketa izango da, eta horren jarraian izango da txupinazoa, frontoi zaharrean bertan.
Jarraian, egitaraua.
- Hilak 22, ostirala
- 18:30. Karropoteoa
- 19:00. Txekor dastaketa Biterin.
- 20:00. Txupinazoa Biterin.
- 20:00. Karropoteoa.
- 20:30. Txosna irekiko dute.
- 22:00. Norberak eramandakoarekin afaria, Biterin: sobakillo afaria.
- Ondoren, San Fermin Txikiko karaokea, eta DJ Fulana.
- Hilak 23, larunbata
- 11:00. Puzgarriak Biterin.
- 11:30. Kantu jira.
- 13:00. Erraldoiak eta buruhandiak.
- 14:00. Herri bazkaria Biterin.
- Ondoren. Bingoa.
- 19:30. Txorongo txaranga.
- 23:00. DJ Iker Mimos tabernan.
- 23:00. DJ Txita Biterin.
- 01:00. DJ Esam Biterin.
- Hilak 24, igandea
- 11:00. Karabina lehiaketa.
- 13:00. Erraldoiak eta buruhandiak.
- 18:00. Dantzatzeko Prest erromeria Biterin.
- Ondoren, txokolatada.
