Asteklimarekin bat egin du udalak
Sentsibilizazio kanpainaren barruan, haur zein helduei begirako hainbat ekintza antolatu dituzte hilaren 22tik urriaren 1era bitartean.
Araba, Bizkai eta Gipuzkoako Klima eta Energiaren astea egingo dute hilaren 22tik urriaren 1era bitartean. Asteklimaren hirugarren ekitaldia izango da honakoa, eta aurreko urteetan bezala, aurten ere bat egin du Errenteriako Udalak sentsibilizazio kanpaina horrekin.
Iniziatibaren helburua, herritarrak klima aldaketaren eta ezinbestekoa den trantsizio energetiko eta klimatikoaren aurrean kontzientziatzea eta mobilizatzea da. Kanpainarekin bat egin eta jarduera ugari antolatu ditu udalak: Ipuin kontaketa, haurrei begirako jolasak, eta joko kooperatiboa. Joko Kooperatiboan izena emateko azken eguna hilaren 22a, ostirala, izango da. Interesdunek 943 90 34 02 telefono zenbakira deituta edo posta elektronikora mezua bidalita.
Ez dira horiek jarduera bakarrak izango. hitzaldia antolatu dute autokontsumo kolektiboaren gainekoa Ekiherriren eskutik, baita erakusketa klima aldaketaren ingurukoa udaletxeko arkupeetan. Erakusketaren edukia azaltzeko asmoz, herritarren sektore zehatzei (elkarte eta ikastetxeak kasu), ibilbiude gidatua antoaltzeko aukera emango zaie. Horretarako hilaren 22a baino lehenago eman behar dute izena 943 90 34 02 telefono zenbakira deituta edo posta elektronikora mezua bidalita.
Antzerki emanaldiarekin bukatuko dute jarduera sorta; Niararen Bidaia antzezlana izango da 3 eta 12 urte arteko haurrei zuzenduta. Sarrerak hartzeko egin klik hemen.
Egitaraua
- Hilak 25: Ipuin kontalaria (3-9 urteko haurrak). Lurrari bira egitea ahaztu zitzaionekoa. Lekuona Fabrikan plaza berdean 17:30ean.
- Hilak 26: Haurrei zuzendutako jolasak koldo Mitxelena Ikastetxeko jolastoki estalian. Antzararen jolasa 7-12 urte arteko haurrentzat; Joko kooperatiboa 6-10 urte arteko haurrentzat. 17:00etatik 19:30era.
- Hilak 27: Energia komunitateak eta autokontsumo kolektiboari buruzko hitzaldia Ekiherriren eskutik. 18:30etik 20:00etara Reina aretoan.
- Hilak 28 eta 29: Klima aldaketari aurre! erakusketa udaletxeko arkupetan. 10:00etatik 13:30era.
- Hilak 30: Niararen bidaia antzerki emanaldia Niessen auditorioan, 18:00etatik 18:55era.
