Pasaiako tentsio handiko eremuak zehaztuko ditu udalbatzak
Pasaiako alokairuen merkatuko prezioen garestitzearen ondoriozko neurria da. Datorren astearteko plenoan izango dute zioa eztabaidagai.
Herriko alokairuen prezioaren gorakadagatiko neurriak hartzea eztabaidatuko du udalbatzak. 
Pasaiako alkate Teo Alberrok ohiko udalbatzarra deitu du datorren astearterako, hilak 26. Hitzordua udaletxeko pleno aretoan izango da, eta 18:00etan ekingo diote udalbatzako hamazazpi zinegotziek bilkurari.
Hamar puntuko gai zerrenda jorratuko dute plenoan, honako gaiekin lotura dutenak, hurrenez hurren: ogasuna, pertsonal eta antolakuntza, eta mozioak. Azken atal horri dagokionez, Pasaiako balizko tentsio handiko eremuak definitzeko eztabaida izango dute mahaigainean zinegotziek.
Horra puntu guztiak:
-
- 1.- Aurreko bilkuretako aktak, 10.a eta 11.a, 2023-07-12koa eta 2022-07-26koa, irakurri eta onartzea.
- 2.- Alkatetzaren eta zinegotzi ordezkarien ebazpenen (2023/1386 zenbakitik 2023/1670 zenbakira) eta Tokiko Gobernu Batzarreko akordioen (2023/23 zenbakitik 2023/29 zenbakira) berri ematea.
- OGASUNA
- 3.- Kreditu-aldaketaren berri ematea.
- 4.- Kreditu-aldaketaren proposamena onartzea, (5.kreditu gehigarria).
- 5.- Zerbitzu publikoak emateagatiko eta administrazio-jarduerak egiteagatiko tasak arautzen dituen ordenantzaren aldaketaren hasierako onespena.
- 6.- 2022ko Kontu Orokorraren onarpena.
- PERTSONAL ETA ANTOLAKUNTZA
- 7.- Alkatetzaren ebazpenaren berri ematea, estatu mailako gaikuntza duten toki administrazioko funtzionarioentzat gordetako lanpostuei buruzkoa.
- MOZIOA
- 8.- Mozioa, Pasaian alokairuaren merkatuko prezio garestien ondorioz tenkatutako eremuak zehazteari buruzkoa, Estatuko etxebizitzaren legeak ezartzen dituen mugak gauza daitezen.
- 9.- Zinegotzi karguari uko egitearen berri jasotzea.
- 10.- Galde-eskeak.
