Dozenaka lagunek egin dute bat Gudari Egunarekin, Jarkik deituta
Jarki antolakundeak gogor salatu du Euskal Herriak pairatzen duen "nazio eta klase zapalkuntza". Zapalkuntza hori indarrean dagoela baietsi du antolakundeak.
Jarki antolakundeak deituta, Gudari Egunaren nazio ekitaldia egin dute Herriko Plazan. Argazkia: Jarki antolakundea Jarki antolakundeak deituta, dozenaka lagunek hartu zuten parte larunbatean Gudari Egunaren harira egindako nazio ekitaldian. Errenteria-Oreretako Herriko Plazan izan zen ekitaldi hori, eta antolakundeak gogor salatu zuen Euskal Herriak pairatzen duen “nazio eta klase zapalkuntza”. Zapalkuntza hori indarrean dagoela baietsi zuen antolakundeak.
Ez daudela “ahazteko prest” esan zuten bildutakoek: “Gudari Eguna iraganeko kontua bilakatu da batzuentzat. Baina gauza da Euskal Herri langilearen historia borrokaz idatzia dela. Euskal Herriko langileok borrokarako gertu gauden bitartean, nazio zein klase kontzientzia dugun bitartean, gudarien borroka ez da ilunetan eroriko; mugimendu iraultzaileak ez du gudarien borroka ahaztuko, are gutxiago, honi uko egingo”.
Aurretik borrokan aritutakoen lekukoa hartzea dagokiela esan zuten azkenik, “borrokaren zilegitasunean berretsi eta garaipenera arte Euskal Herriaren historia idazten jarraitzea dagokigu”.
