Kirol martxa, Lezoko kaleetan
Gaurtik eta ostirala arte, kirolarekin lotutako hainbat jarduera izango dira herrian, den-denak kalean.
Europako Kirol Astearekin bat egin du Lezok. Horren harira, aste honetan zehar hainbat ekitaldi izango dira, den-denak ariketa fisikoarekin lotutakoak. Herriko kaleak hartuko ditu kirolak. Emakumeek toki berezia izango dute antolatu diren jardueretan. Lezon martxa kalean, muittu izenburupean antolatu dituzte aste honetako ekintzak. Den-denak doan dira, eta horietara joateko arropa erosoa, gozatzeko gogoak, eta “irribarre zabala” eramatea aholkatu du.
Lezoko Udalaren ekimenez antolatu dituzte jarduerak, Muittu Lezo estrategiaren barruan. BPXport (herriko kirolguneak kudeatzen dituzte), Mugiment egitasmoa eta aldundia dira egitasmoan laguntzaile, besteak beste.
Honakoak dira jarduerak:
- Gaurtik (astelehena) larunbatera: Bekoerrota eta Altzate instalazioak ezagutzeko ate irekiak. Aurrez izena eman behar da.
Gaur (astelehena)
- 18:00-19:00. Euskal Herria plazako parke osasuntsuan, dinamizazioa.
- 19:00-20:00. Emakume Korrikalari Familian, Bekoerrota kiroldegian (Koldobike Gezala frontoian).
Bihar (asteartea)
- 10:00-11:00. Martxan jarduera, Bekoerrotako pistan.
- 10:30.13:30. Emakumeok Mugimenduan aplikazioa ezagutarazteko Txita, herrian zehar.
- 11:30-12:30. Lopene plazako parke osasuntsuan, dinamizazioa.
- 18:30-19:30. Emakume Korrikalari Indartsu jarduera, Bekoerrota kiroldegian (Koldobike Gezala frontoian).
- 19:30-20:30. Emakume Indartsu jarduera, Bekoerrotan.
Etzi (asteazkena)
- 16:00-17:00. Nordic walking irteera Bekoerrota kiroldegitik (Koldobike Gezala frontoian).
- 19:00-20:00. Emakume Korrikalari jarduera Bekoerrota kiroldegian (Koldobike Gezala frontoian).
Hilak 28, osteguna.
- 10:45. Tipi Toparen irteera Gurutze Santuaren plazatik.
- 18:00-19:00. Emakume pilotarien saio irekia Bekoerrota kiroldegian (Koldobike Gezala frontoian).
Hilak 29, ostirala
- 17:00. Scooter eta roller tailerrak eta erakustaldia Bekoerrota ondoko skate parkean.
