Iparra ez galtzeko orientazio jolasa
Arditurriko parketxean egingo dute orientazio jolasa urriaren 8an.
Arditurriko parketxetik abiatuko dute orientazio jolasa. Iparra galdu gabe orientazio jolasa egingo dute urriaren 8an Arditurriko parketxean. Familiari begirako ekintza da jolasa, eta Arditurriko parketxetik abiatuta parte hartzen dutenek hainbat erronka egin beharko dituzte inguruan iparra ez galtzeko.
Goizez izango da orientazio jolasa, 10:30etik 12:10era eta txandak 20 minutuero egingo dituzte. Saioa elebitan egingo dute eta haurrek 3 euro ordaindu beharko dituzte eta helduek 5 euro.
Informazio gehiagorako edota erreserbak egiteko 943 49 50 69 edo 688 89 50 68 telefono zenbakietara deitu daiteke. Ezinbestekoa da parte hartzeko aldez aurretik izena ematea.
