Iristear dira udazkeneko ipuin kontaketa saioak
Urri eta azaro bitartean zazpi kontaketa jasoko ditu Andreone Lezoko Udal Liburutegiak. Horietatik lehena urriaren 4an da.
Ana Apika azaroaren 15ean izango da Andreonen. Andreone Lezoko Udal Liburutegiko arduradunek udazkenean jasoko dituen ipuin kontaketa saioen berri eman dute. Urrian eta azaroan orotara zazpi saio jasoko ditu herriko kultur azpiegiturak, beste hainbeste kontalarik emanak. Den-denak asteazkenarekin dira eta 18:15ean hasiko dira. 4-7 adin tartekoentzat dira, eta doan.
Honakoa da kontaketen zerrenda
- Urriaren 4an, Ixabel Agirresarobek Argi ibili! ipuina kontatuko du.
- Urriaren 11n Pello Añorgak Pontxo zezena eramango du Andronera.
- Urriaren 18an Mikel Susperregik Lezora hurbilduko du ipuina, Markesaneko mamua-rekin.
- Azaroaren 8an Ines Bengoaren txanda: Ipuin zopa.
- Azaroaren 15erako iragarri dute Ana Apikaren emanaldia, Animaliak lana plazaratuko du.
- Azaroaren 22an Lur Kortak Maitasunez beteriko ipuinak zabalduko ditu.
- Azaroaren 29an, udazkeneko azken saioa: Amaia Puinen esku Bidaia kontatzea.
