Uda eta udazkena batu ditu Xoxolurrek, Nafarroan
Sasoiko lehen irteeran, asteburu-pasa egi dute Urbasako mendilerroaren inguruan. Hurrengo hitzordua urriaren 15ean dute.
Xoxolur Mendi Klubak sasoiko lehen irteera egin zuen asteburuan, bi egunekoa. Nafarroa aldera joan ziren, Urbasa mendilerroko hainbat gain eta paraje ezagutzeko. Larunbatetik iganderako gaua Artaza herrian pasa zuten. Udaren eta udazkenaren arteko zubia han pasatu zuten bertara joan ziren 28 bat mendizaleek, “Oso ondo joan da dena. Giro paregabea izan dugu. Haur, gazte eta heldu, den-denek asteburuaz ederki asko gozatu dugu. Primeran pasa dugu”, esan dute mendizaleek. Beraz, ikasturtea indartsu hasi dute. Beheko irudiak dira horren guztiaren seinale.
Larunbatean, mendi buelta eginda, Artazako labaderoan freskatzeko aukerarik ez zuten galdu bidaikideek. Bigarren egunaren bukaeran, berrix, pizza jaten indarrak berritzeko tartea hartu zuten. Larunbatetik iganderako ilunabarrean ez ziren falta izan gitarraren doinuak eta euskal kantak. Euskal giroan, familian, gustura denak. Nola ez, atseden une goxoen aurretik, mendiz mendi ibili ziren, tartean Lazkungo begiratoki ikusgarria bisitatuz.
Hurrengo irteera urriaren 15ean izango dute Eskolarteko Finalista Egunean parte hartuko dute lezoarrek, Ordizian. Abisatuko dute noiz eta non eman behar den izena. Ekainera arte, hilabeteko irteerekin jarraitzeko apustua egin dute aurten ere Xoxolurrekoek.
