Jai handirako prestatzen
Handia izango da igandeko Kilometroak 23ren jai nagusia, horretarako jo eta su ari da lanean Orereta Ikastola, eta detailerik txikiena ere xehe zaintzen ari da.
Herriko Plaza oihalez jantzita igandeko Kilometroak Jai handirako. Itxura hartzen ari da herria. Kolorezko oihalez jantzita daude hainbat kale eta plaza, eta agertokiak ere prest dira. Handia izango da igandeko Kilometroak 23ren jai nagusia, horretarako jo eta su ari da lanean Orereta Ikastola, eta detailerik txikiena ere xehe zaintzen ari da Errenteria-Orereta inoiz baino gehiago euskararen herria izan dadin.
Guneen planoa.
Erriolak, lau gune nagusi, denak Errenteria-Oreretaren iragan industrialarekin eta errioarekin lotuta: Galletera (Gernika Plaza), Lino (Agirre Lehendakariaren plaza, Herriko Plaza eta Patxiku zelaia hartzen ditu), Esmalteria (Koldo Mitxelena plaza, Alhondiga eta Foru plaza hartzen ditu) eta Errioa (Iztieta pasealekua eta Panierreko orubea hartzen ditu).
Jai handiari begira hainbat ohar. Renferen tren zerbitzua erabili behar dutenei zuzendutakoa lehena. Trenbide zerbitzu horretan mozketak iragarri dituzte urriaren 1erako, eta beraz, Kilometroak Egunera etortzeko Andoain-Lezo/Errenteria eta Lezo/Errenteria-Andoain artean baino ez du zerbitzurik emango.
Euskotrenek, berriz, zerbitzua indartu du igandeari begira.
Garraio publikoaz etorri ezin dutenentzat bi aparkaleku nagusi jarriko dituzte, antolatzaileek kudeatuta: Pasaiako Portua eta Txirrita Maleo industrialdea.
Jatekoak, ogitarteko zein pintxoak gune nagusi guztietan izango dira baina jantokia ere prestatu dute. Haurrentzako (6 euro) eta helduentzako (13 euro) menua eskainiko dute bertan 13:00etatik 15:30era: Paella, oilasko errea, eta postrea. Txartelak aurretik eros daitezke [horretarako egin klik hemen], edo egunean bertan.
HITZAk biharko papereko edizioan orri bereziak egin ditu Kilometroak 23 Jaiaren inguruan.
Kilometroak 23 egitaraua
