Martxan da XXXVI. Xabier Lete Lehiaketa
8 eta 18 urte arteko gazteek prosa eta poesia euskaraz lantzeko aukera izango dute, berriro ere. Lanak azaroaren 3an entregatu beharko dituzte, beranduenez.
Xabier Lete prosa eta poesia lehiaketa ospatuko dute aurten, hogeita hamaseigarrenez. Lehiaketak gazteen artean euskaraz irakurtzeko eta idazteko zaletasuna sustatzea du helburu. Horrela, euskarazko literaturaz gozatzeko ohitura hedatzea nahi dute. Lehiaketa Oiartzungo Udalak antolatzen du, herriko ikastetxeekin elkarlanean.
Lehiaketan 8 eta 18 urte arteko oiartzuar (edo Oiartzungo ikasle) guztiek hartu dezakete parte lehiaketan. Aurten ere, bi modalitatetan banatuko dira gazteak: LHko 3, mailatik aurrerakoak prosan eta LHko 5. mailatik gorakoek poesia edo prosan.
Lanak sortzeko denbora izango dute azaroaren 3ra bitartean. Izan ere, egun horretan beranduenez udaletxeko harreran edo Esukara Sailean entregatu beharko baitituzte lanak. Ikasle bakoitzak, gehienez ere, lan bana entregatu dezake modalitate bakoitzean. Horiek argitaragabeak eta euskaraz idatziak izan beharko dute.
Sari banaketa, abenduaren 4an
Aurten, ohi moduan, Xabier Leteren heriotzaren urteurrenean egingo dute sari banaketa, abenduaren 4an. Landetxe Kultur Aretoan elkartuko dira ikasleak, eta honakoak izango dira sariak: LHko 3. mailatik DBHko 2. maila arteko ikasle saridunek 50 eta 80 euro arteko bonuak banatuko dituzte, liburu edo ikasmaterialetan erabiltzeko. DBHko 3. mailatik aurrerako ikasleek, ordea, 100 eta 120 euro arteko sariak jasoko dituzte, eskudirutan.
