Fanderiako errotak hegaztiei eskainiko die hileko jarduera nagusia
Fanderiako errotak bisita gidatuak egingo ditu, baita tailerra ere, hilabetean zehar.
Fanderiako Errota-Ibaiaren Etxeak larunbatean zabalduko ditu ateak. Hilabete honetan ere zabalik izango ditu ateak Fanderiako errotak. Ohi bezala, hileko bigarren asteburua izanik, errota zabalik izango da. Hilabete honetan Ondarearen Europako Jardunaldiak egingo dituzte eta horren harira Fanderiako errota, geroa eta oraina ekintza antolatu dute. Errota doan bisitatu eta martxan ikusteko aukera izango da, baita errotaren historiari eta inguruetako naturari buruzko erakusketa iraunkorra ere.
Bi txanda egingo dituzte bisita horretan, 11:30ean euskaraz eta 12:30ean gaztelaniaz. Hilaren 7 eta 8an egingo dituzte.
Hileko jarduera berezia, berriz, Hegazti Migratzaileen Nazioarteko Egunarekin bat eginez, hegaztiei eskainia izango da: “Gure inguruan aurki daitezkeen hegazti batzuk ezagutu ahal izango dituzte parte hartzaileek eskulanak egiten dituzten bitartean”. Tailer horretan, zintzilik jartzeko eta mugi daitezkeen hegaztiak egingo dituzte.
Jarduera hori 6 urtetik aurrerako haurrei eta gaztetxoei eta horien familiei zuzenduta dago. Hilaren 14an izango da, 11:00etatik 13:00ak arte izango da eta haurrek helduek lagunduta hartu beharko dute parte.
Informazio gehiagorako eta izena emateko turismo bulegoko 943 49 45 21 telefono zenbakira dei dezakete edo posta elektronikora mezua bidali (egin klik hemen) edota, fanderiako errotako 690 72 02 64 telefono zenbakira deitu edo posta elektronikora mezua bidali (egin klik hemen).
