2023/10

Baserritar jantzien erakusketa bihartik, Jantziaren Zentroan

Duela mende bat baserritarrek soinean zeramaten jantzia ezagutzeko aukera eskainiko du Jantziaren Zentroak beheko solairuan.

Martxan da Oarsoaldeko Eskola Kirola

Eskualdeko ikasleen erdia baino gehiago ari da aurten Eskola Kirolan parte hartzen. Horrez gain, aurrerapauso bat eman dute berdintasunerantz, eta Mindararekin batera, Eskola Kirol Egokituko programa abiatu dute.

Andra Mari Abesbatzak orkestra izango du aurrerantzean

Igandean, Santa Zezilia Egunaren harira antolatutako kontzertuan ariko dira elkarrekin lehenengoz, Andra Mari Abesbatza eta Orkestra.

X. Azkue Memoriala, ostiraletik igandera

Organoa ardatz duen zikloak Errenteria-Orereta, Irun eta Oiartzun hartuko ditu azaroaren 3tik 5era. Orotara, hiru kontzertu, bisita gidatu bat eta hitzaldi bat ondu dituzte.

Oiartzungo Udalak prest du 2023-2027 legegintzaldiko programa

Datozen lau urteetan lehentasunez landuko dituzten helburu estrategikoak eta garatuko dituzten egitasmoak definitu dituzte. Elkarlan publiko-komunitarioa izango da oiartzuar guztien bizitza hobetzeko oinarria.

Sanpedrotarrak nagusi Espainiako Ergometro Txapelketan

Lehen postu bana erdietsi dute Sanpedrotarra AEko Loren Jauregi eta Ibon Arrieta arraunlariek. Jauregiren marka guztietan onena ere izan da.

Kendu dute

Antxoko trenbidearen gaineko zubia gaur goizean kendu dute. Barrutiaren itxura urbanoaren ikurretakoa zen.

Olatzar berriko eremu bat zabaldu dute

Urbanizazioaren zati handi bat bukatu dutelako, hilerri inguruko aparkaleku berriak erabil daitezke dagoeneko.

Oiartzuarren aitortza Alex Bargallo Zuzuarregiri

Atzo jaso zuen Alex Bargallo Zuzuarregik Oiartzungo Kirol Saria. Elizaldetarrak Judo Elkartean 40 urte daramatza lanean.

Gazako "genozidioa" salatu dute Errenteria-Oreretan

NATO eta EBren Aurkako Herri Ekimenak deitutako mobilizazioan dozenaka oreretar bildu dira. Ondoren, hitzaldia izan zen Gaztañon.

arraztalo lurra erreportajea

Desgaitasuna duten pertsonentzako lan poltsa ireki du Arraztalok

Lanaldi murriztuko lanpostuak eskaintzen dituzte, egunean bost orduko jardunaldiarekin Arraztaloko Oiartzungo nekazal ustiapenean. Izena emateko galdetegi bat bete behar da.

Bueltan da 'Zai, zoi, ele!' egitasmoa

Literatura eta musika uztartzen dituen iniziatibaren bigarren ekitaldia egingo da ostiral honetan Landetxen. Gari eta Iñigo Astiz izango dira protagonistak. Saioak 'Behin bizitzea' du izena.

Lonjako estalkiaren eta plazaren erabilera, plenora gaur

Hileroko udalbatzarra egingo dute gaur arratsaldean. Kontratazioa, Ogasuna, Pertsonala eta Hirigintza izango dituzte eztabaidagai.

II. Babarrun Jana, larunbatean, Meipin

Meipiko Jai Batzordeak eta Xantixak bigarrenez antolatu dute jaia. Babarrun jana, bingo solidarioa eta dantzaldi herrikoia izango dira.

Hitzen Lihoak badu aurtengo bideoa

Kultur topaketaren seigarren ekitaldia azaroaren 8tik 12ra bitartean egingo da, utopia ardatz. Antolatzaileek bederatzi jarduera ondu dituzte.

Bihartik aurrera eman daiteke izena Txerri Egunean

Ttur-ttur Euskaltzaleon Bilgunea hasi da eguna antolatzen, eta bihartik (azaroak 1) igandera (azaroak 5) bitartean eman behar da izena parte hartzeko.

Euskararen kontrako oldarraldia: lehen autobusa bete dute Oiartzunen

Larunbateko Bilboko manifestaziora joateko zerrendak ostegunera arte izango dira jarrita Elizalden, Haurtzaron, AEKn eta Kastron.

Gau Beltza

Gau Beltza, ate joka

Parte hartzaileak Txara parkean bilduko dira, 19:30ean. Afaldu ondoren, bertatik hasiko dute beldurrezko ibilbidea.

Errenteriako Udaletxea.

Bi mozio aztertuko ditu udalbatzak bihar

Euskararen erabilera instituzional eta administratiboaren gainekoa da mozioetako bat, EH Bildu, EAJ eta Elkarrekin Errenteriak aurkeztua.

Gehiago