Ariketa fisikoa sustatzeko ekintzez beteta dator Kirol Astea
Kirol Astea egingo du Oiartzungo Udalak hilaren 21a eta 27a bitartean, eta horren barruan hemezortzi ekintzekin osatutako eskaintza ondu du.
Kirol Astea hilaren 21etik 27ra egingo dute Kirol Astea. Kirol Astea egingo du Oiartzungo Udalak hilaren 21a eta 27a bitartean, eta horren barruan hemezortzi ekintzekin osatutako eskaintza ondu du. Helburua, jarduera fisikoa eta osasuna erdigunean jartzea dela esan du udalak, “baita ariketa fisikoa sustatu eta kirolaren beste alderdi batzuk bistaratzea ere”.
Zazpi egun eta hemezortzi ekintza. Hori udalaren eskaintza. Hartzaileak adin tarte guzti-guztietako oiartzuarrak, izan ere, zaletasun oro asetzeko moduko eskaintza da udalak eta herriko eragileek osatu dutena astearen barruan. Hala, kirol modalitate berriak probatzeko aukera, solasaldiak, topaketak, aurkezpenak eta dokumentalak izango dira aukeran, besteak beste.
Ekintza denak, doakoak izango dira, baina batzuetan plazak mugatuak direnez, aldez aurretik izena eman beharko da. (Egin klik hemen)
Udalak antolatutako ekintzetan parte hartzera animatu ditu herritarrak.
Egitaraua
EGITARAUA:
Urriak 21, larunbata:
- Eskola Kiroleko jardunaldia: pilota, 9:00etatik 11:00etara Madalensoron. Antolatzailea: Eskola Kiroleko Egitura.
Urriak 22, igandea:
- Futbol egokituko topaketa, 9:30etik 11:30era Karla Lekuona futbol zelaian. Antolatzailea: Mindara.
- Pilota egokituko topaketa, 12:00etatik 13:30era Madalensoron. Antolatzailea: Mindara.
- ‘Gazte denborak. Peru’ Mikel Ajuria, Katuxulo. 19:00etatik 20:30era Pagoalde industrialdean (63-64 pabiloia). Antolatzailea: Katuxulo.
Urriak 23, astelehena:
- Abittu seguru (erorikoen tailerra), 10:00etatik 11:30era Elorsoro kiroldegiko bilera gelan. Antolatzailea: Abittu!
- Gimnasia erritmikoa. zatoz probatzera!, 16:30etik 17:30era Haurtzaro Ikastolako pilotalekuan. Antolatzailea: Hiruki Gimnasia.
Urriak 24, asteartea:
- Entrenamendu funtzionala ate irekiak, 16:30etik 17:30era Elorsoro kiroldegian. Aldez aurretik izena eman beharko da kiroldegian. Antolatzailea: BPXport.
- Gimnasia erritmikoa, zatoz probatzera!, 16:30etik 17:30era Elizalde ikastetxean. Antolatzailea: Hiruki Gimnasia.
- Abittu emakumeak korrika, 17:30etik 18:30era Haurtzaro ikastolako anfiteatroan. Antolatzailea: Abittu!
- Alex Txikon, ‘Neguko espedizioak’, 19:00etatik 20:30era Landetxe Kultur Aretoan. Gonbidapena hemen klik eginda. Antolatzailea: Girizia Mendi Taldea.
Urriak 25, asteazkena:
- Aquagym ate irekiak, 11:15etik 12:15era Elorsoro kiroldegian. Aldez aurretik izena eman beharko da kiroldegian. Antolatzailea: BPXport.
- Hirukide gimnasia, zatoz probatzera!, 16:30etik 17:30era Haurtzaro ikastolako pilotalekuan. Antolatzailea: Hiruki Gimnasia.
Urriak 26, osteguna:
- Bizikletaren mekanika ikastaroa, 18:00etatik 20:00etara Kontzejupean. Antolatzailea: OTXE.
- Katuxulo, ate irekiak, 18:00etatik 20:00etara Pagoalde industrialdean (63-64 pabiloia). Antolatzailea: Katuxulo.
- Garai bateko emakume bide-urratzaileekin solasaldia, 19:00etan Laboren. Antolatzailea: Labore.
Urriak 27, ostirala:
- Abittu tipi-tapa, 9:30etik 11:00etara Elorsoro kiroldegiko sarreran. Antolatzailea: Abittu!
- Oiartzungo kirol sariaren banaketa – Alex Bargalló, 19:00etan Landetxe Kultur Aretoan. Gonbidapenak hemen. Antolatzailea: Oiartzungo Udala.
Azaroak 14, asteartea:
- Oiartzungo kirol arloko diagnostikoa ikuspegi feministatik; ondorioen aurkezpena, 19:00etan Landetxe Kultur Aretoan. Gonbidapenak egin klik hemen. Antolatzailea: Oiartzungo Udala.
