Sormena eta gizartearen arteko sinergia sustatzera dator 'Aldaketak sortzen' programa
Askotariko programa antolatu dute Habian! eta Artisau auzoak elkarlanean 'Aldaketak Sortzen' programaren barruan.
Habian hazietgiak eta Artisau auzoak elkarlanean antolatu dute programa. Tokiko sortzaileek aldaketak Sortzen programa diseinatu dute. Helburua artisautza, sormena, kultura eta gizartearen arteko sinergiak sustatzea da, “sormen jarduera gizarte eraldaketarako bitarteko eta gizarte balio garrantzitsuak transmititzeko tresna gisa erabilita”.
Programaren atzean Habian! eta Artisau Auzoa. Elkarren lankidetzaren emaitza izan da Aldaketak Sortzen. Programaren barruan antolatuko dituzten jardueretan, parte hartzaileak modu aktiboan arituko dira, “naturarekiko errespetua, ingurumen kontzientzia, tokiko kontsumoa eta ekoizpenaren sustapena, haurren eskubideen defentsa, jasangarritasuna eta aniztasuna lehen lerroan jarrita”.
Programaren bidez gainera, Habian eta Artisau Auzoak tokiko komunitatearekin duten konpromisoa indartuko dutela zehaztu dute antolatzaileek.
Hilaren 20tik, ostirala, azaroaren 17ra bitartean egingo dute programa, heldu, haur eta familiei begira. Programa ixetko berriz, festa egingo dute Lekuonan, eta herrian ekoitzitako pasta dastatzeko aukera izango da.
Aldaketak Sortzen programaren barruko jarduerak
Hilak 20, ostirala
- Aniztasunean Harituz. 11:00etatik-13:00etara Ostadar koloreko bandera sortuko dute Idoia Lizeagak gidatutako tailerrean. Artisau Auzoan (Erdiko kalean), euskaraz.
Hilak 21, larunbata
- Yurtaren oiHala. 11:00etatik 13:00etara Yurta Txikien oihala margotuko dute Artisau Auzoan, Ainhoa Redondo, Elena Ranz eta Saioa Matxainek gidatutako tailerrean.
Hilak 28, larunbata
- Egiak Kontatuko ditugu. 17:00etatik 18:30era Ingurumenaren gaineko hitzaldia Torrekuan, Kibo Moda Consceinteren eskutik, gaztelaniaz.
Azaroak 4, larunbata
- Eguzki basoa. 11:00etatik 13:00etara Eguzki basoa sortzeko tailerra kromosomaren eskutik. Artisau auzoan (Erdiko kalea 13) Euskaraz.
Azaroak 11, larunbata
- Zerealak ezagutuz zikindu. 17:00etatik 18:30era. Eskuak zikinduz pasta freskoa ekoiztuko dute., Zitueneren laguntzarekin. Artisau auzoan, euskaraz.
Azaroak 17, ostirala
- Itxiera festa. 17:00etatik 19:00etara Lekuona Fabrikan. Jatekoa, Zitueneren kontura.
