Errugbi ikastaroak igandetik aurrera
Oarsoaldeko Rugbyzaleek berriz eskainiko dituzte iaz hasitako ikastaroak, Fanderian igandeetan eta Beraunen astelehenetan.
Udako oporraldiaren ostean, igandean berrartuko dituzte ikastaroak berriro Oarsoaldeko Rugbyzaleek. Bi talde antolatu dituzte aurtengo ikasturteari begira, igandean txikien taldea osatuko dute 8 urtetik aurrera dituztenekin Fanderiako futbol 7ko zelaian 12:00etatik 13:30era; helduen taldea, berriz, Beraungo Futbol 7koz elaian arituko da astelehenetan 20:00etatik aurrera.
Oinarrizko mugimenduak, terminologia eta araudia azalduko dituzte ikastaro horietan. Ikasturte osoan izango da zabalik izena emateko aukera; 45 euro balio du urte osoko izen emateak. Probatu nahi dutenentzat berriz, doakoa da.
Txingudi Rugby taldearen laguntza izango dute Oarsoaldekoek. Informazio gehiago posta elektronikoan (egin klik hemen) edota 688 696 303 telefono zenbakira deitu dezakete.
