Euskaraz barra-barraren ihes gela iritsiko da azaroan
Merkataritzan eta ostalaritzan euskaraz hitz egiteko guneak identifikatzeko sortu da Euskaraz barra-barra marka. Horren barruan, 17. Logela izeneko ihes gela ibiltaria ondu dute.
17. gela ihes gela. Merkataritzan eta ostalaritzan euskaraz hitz egiteko guneak identifikatzeko sortu da Euskaraz barra-barra marka. Horren barruan, 17. Logela izeneko ihes gela ibiltaria ondu dute, eta azaroaren 17tik 19ra bitartean Errenteria-Oreretan hura ezagutu eta esperientziarekin gozatzeko aukera izango dute bertaratzen direnek. Zumardian hartuko du ostatu ihes-gelak.
Kontsumitzailea erdigunean jarri eta estres linguistikoa murrizteko helburuarekin Hego Euskal Herriko hainbat herrietara helduko da iniziatiba datozen hilabeteetan. Horren atzean, Eusko Jaurlaritza, Nafarroako Gobernua eta Euskararen Erakunde Publikoa.
Udalerrian hiru egun emango ditu eta 20 saio eskainiko ditu ihes gelak. Azaroaren 17an, ostirala, arratsaldez izango da zabalik 16:00etatik 21:00etara, eta larunbat eta igandean egun osoz, 10:00etatik 21:00etara zehazki. Saio bakoitzean, gehienez ere bost lagunek ahalko dute parte hartu.
Hartzaileak 16 urtetik gorakoak eta euskara ulertu eta hitz egiteko gai direnak; irisgarritasuna bermatuko dute. Saio bakoitzak 40 minutuko iraupena izango du.
Doakoa izango da ihes gelako esperientzia, baina aurretik izena eman beharko da. Horretarako egin klik hemen.
