Arkano, Lia Kali eta Txiltxoko, Lekuona Fabrikan larunbatean
Kontzertua 20:00etan hasiko da eta sarrerak 3 euroan daude salgai; Gipuzkoan Gazte Tourrek antolatu du emanaldia.
Kontzertua Lekuona Fabrikan iznago da larunbatean. Musikarekin hitzordua larunbatean Lekuona Fabrikan. Gipuzkoan Gazte Tourrek antolatuta Arkano (Alacant, Herrialde Katalanak) Lia Kali (Bartzelona, Katalunia) eta Txiltxokoren (Oiartzun) doinuekin gozatzeko aukera izango da 20:00etatik aurrera. Gipuzkoan Gazte Tour musika eta arte eszenikoekin lotutako hainbat jarduera biltzen dituen programa da, eta Gipuzkoako For Aldundiko Kultura eta gazteria departamenduak sustatzen du.
Helburu nagusia kultura deszentralizatu eta gazteen eskura jartzea da, irisgarri egitea herrialde osoan. Duela sei urte jarri zuen martxan aldundiak programa publikoak gaztetzeko eta haien interesen araberako kultura eskaintza egitea.
Zirkuituaren arrakastaren oinarria artisten aukeraketa dela esan du Isaac Palencia GAzteria zuzendariak, “baita nerabeek ekitaldi hauetan aktiboki parte hartzea ere. Programazio bakoitzak erreferentziazko artista bat eta tokiko artista gazteak ditu horretarako”.
Aizpea Otaegi alkateak Errenteriaren dinamismo kulturala jarri du nabarmen, “gure proposamena aberastera datorren proposamen oro ongietorria da. Proposamen hau interesgarria iruditzen zaigu gazte eta nerabeei zuzenduta dagoelako eta publiko berriei ateak zabaltzea ezinbestekoa iruditzen zaigulako”.
Larunbateko kontzertuko sarrerak 3 euroan daude salgai.
