Patriarkatua, (ez) amatasunak eta eta indarkeria matxistak, Emakumeen Etxean
Emakumeen Etxeak astelehen eta ostiraletan 09:00etatik 13:00etara ditu ateak zabalik, eta asteartetik ostiralera berriz, 16:00etatik 20:00etara.
Kikilisalda antzerki Taldea. argazkia: Mendi Urruzuno Hilabete honetako programazioa aurkeztu du Emakumeen Etxeak. Patriarkatua, (ez) amatasunak eta indarkeria matxista izango dute ardatz ekintza horiek. Lehenengoa hilaren 9an, osteguna, izango da. Goya sarietarako izendatuta dagoen Patriarcado, el organismo nocivo dokumentala proiektatuko dute 18:00etatik 20:00etara.
Lau emakume boteretsu dira dokumentalaren protagonistak. Indarkeria matxistaren gaineko begirada harrigarria partekatzen dute indarretik, biktimizazio eta paternalismorik gabe. Proiekzioaren ostean, solasaldirako tartea zabalduko dute.
Bigarren hitzordua, hilaren 18an izango da (larunbata) 09:30etik 14:00etara. Emagin elkarteak (ez) amatasunei buruzko mintegia egingo du: Kale edo bale, ahaidetasun feministetara: absentziak eta eraldaketak. Erreproduzitzeko dauden oztopoak hiru erpinetik aztertuko ditu: politika instituzionala, aitatasuna, eta inguruko espazioen diseinutik. Asier Aizkorreta Hurtadok, Ula Iruretagoiena Busturiak, eta Oihana Etxebarrieta Legranden parte hartzearekin.
Ondoren Bidez Bide elkarteak Oscar Tejedor zuzendariarekin batera sortutako En transito dokumentala proiektatuko dute. Egonkortasun ekonomiko bila Europara bakarrik etortzen diren Latinoamerikako amen errealitateei buruz solasaldia egingo dute.
Azken jarduera hilaren 23an egingo dute, osteguna, 19:00etan. El pitillito bakarrizketa egingo du Ana Mirandak, tratu txarrak jasaten dituen emakumearen gainekoa. Bestetik, Eta horrela jarraitzen dugu antzezlana eskainiko du Kikilisalda antzerki taldeak. Bilboko antzerki sozialaren III. jardunaldietan saritu zuten.
Emakumeen Etxeak astelehen eta ostiraletan 09:00etatik 13:00etara ditu ateak zabalik, eta asteartetik ostiralera berriz, 16:00etatik 20:00etara.
