Xenpelar tailerren mende erdiko ibilbidea, erakusketara
Xenpelar Etxean zabalduko dute gaur erakusketa 19:00etan tailerren 50. urteurrenaren harira.
Maite Gartzia eta Arantxa Vega gaurko agerraldian. Xenpelar tailerrak, 50 urte gelditu gabe erakusketa zabalduko dute gaur arratsaldean Xenpelar Etxean, 19:00etan izango da hori. Maite Gartzia kultura zinegotziak eta Arantxa Vega Kultur Ondare teknikariak azaldu dutenez, zaila da oso Xenpelar tailerren 50 urteko histopria bere osostasunean erakusketa bakarrean erakustea, “bere esentzia islatzeko ahalegina da erakusketa”.
Valeriano Lezetak sortu zuen iniziatiba 1973. urtean, “ordutik bost kokagune ezberdin izan ditu eta ibilbidea erronkaz eta eraldaketaz josia egon da— azaldu dute— teknika artistikoak erakusteaz gain, tailer okupazionaleko zerbitzu baliotsua eskain i du, sormen prozesuak lagundu ditu, eta artea komunitatera hurbildu du. Azken batean, erakusten den lagin honen xede nagusia Xenpelar Tailerrak Errenteriako arte plastiko eta ikusizko arteen dinamizazioan jokatutako papera erakustea da”.
Hilaren 18ra arte izango da erakusketa zabalik, astelehenetik larunbatera 17:00etatik 20:00etara.
